AMFANIN GOOGLE BUSINESSES GA YAN KASUWA DA YADDA AKE BUDE SA


 

MENENE GOOGLE BUSINESS PROFILE DA AMFANIN SA GA ‘YAN KASUWA?


A duniyar zamani, yawancin mutane suna amfani da Google wajen neman kayayyaki da aiyuka kafin su yanke shawarar siye ko zuwa wani wuri. Wannan yasa Google ta ƙirƙiri wata hanya mai sauƙi wacce zata taimaka wa ‘yan kasuwa su bayyana a kan intanet. Wannan hanya ita ce Google Business Profile.


MENENE GOOGLE BUSINESS PROFILE?


Google Business Profile wata manhaja ce kyauta daga Google wacce take ba ka damar sanya kasuwancin ka a cikin Google Search da Google Maps. Da zarar ka saka kasuwancin ka, duk wanda ya yi bincike da ya shafi sana’arka zai iya ganin sunan kasuwancin ka, adireshinka, lambar waya, taswira, sa’o’in aiki, hotuna, da ma shawarwarin (reviews) daga kwastomomi.


Misali, idan wani ya rubuta “shagon waya a Kano”, Google zai nuna masa jerin shaguna tare da cikakken bayani. Idan ka saka kasuwancin ka a Google Business, zaka kasance cikin wannan jerin.


AMFANIN GOOGLE BUSINESS PROFILE

1. Bayyana kasuwanci a Google Search da Google Maps

– Wannan yana sa mutane su same ka cikin sauƙi duk inda suke.

2. Ƙara samun sababbin kwastomomi

– Duk wanda ya nemi irin kayanka ko aikinka zai iya gano kai cikin mintuna kaɗan.

3. Bayar da cikakken bayani ga kwastomomi

– Kana iya saka lambar waya, sa’o’in aiki, adireshi, hotuna, har da link ɗin website.

4. Karɓar reviews daga kwastomomi

– Reviews suna ƙara martabar kasuwanci saboda mutane sukan dogara da ra’ayin waɗanda suka riga sun gwada.

5. Taimakon nazari (Insights)

– Google zai baka rahoto akan yadda mutane suka gano kasuwancin ka, adadin mutanen da suka danna lambar waya ko suka shiga website ɗinka.

6. Kyauta ne gaba ɗaya

– Ba sai ka biya ko sisi ba domin amfani da wannan dama.


YADDA AKE BUƊE GOOGLE BUSINESS PROFILE (MATAKI-MATAKI)

1. Shiga shafin Google Business Profile

– Je zuwa: Https://business.google.com

2. Shiga da account ɗin Gmail ɗinka

– Idan baka da Gmail, sai ka fara buɗewa.

3. Saka sunan kasuwancin ka

– Rubuta cikakken suna yadda yake a wajen kasuwanci.

4. Zaɓi category (nau’in kasuwanci)

– Misali: Restaurant, Shagon waya, Masallaci, Hotel, da sauransu.

5. Saka adireshin kasuwanci

– Hakan zai taimaka kwastomomi su same ka ta Google Maps.

6. Ƙara bayanai masu amfani

– Lambar waya, adireshi, link ɗin website (idan kana da shi), da hotunan kasuwancin ka.

7. Tabbatar da kasuwanci (Verification)

– Google zai turo maka code ta waya ko ta wasiƙar gida domin tabbatarwa.

8. Fara amfani da shafin

– Bayan ka tabbatar, zaka iya sa hotuna, wallafa sabbin kayayyaki ko sabis, da karɓar reviews daga kwastomomi.


ATAKAICE 

Google Business Profile hanya ce ta zamani da ba sai ka kashe kuɗi ba wacce zata taimaka maka wajen jawo sababbin kwastomomi, ƙara martaba, da bayyana kasuwancin ka a duk inda mutane suke neman kayayyaki a intanet. Idan kai ɗan kasuwa ne mai son ƙara darajar kasuwancin ka, to Google Business P

rofile na daga cikin muhimman abubuwan da ya kamata ka fara amfani da su tun yanzu.


FOLLOW MY FACEBOOK PAGE FOR MORE INFO 

https://www.facebook.com/profile.php?id=61579886394478&mibextid=ZbWKwL

Comments

Post a Comment

Popular posts from this blog

CONTENT CREATION (BLOGGING, YOUTUBE, SUBSTACK): CIKAKKEN BAYANI

Image
 CONTENT CREATION (BLOGGING, YOUTUBE, SUBSTACK): CIKAKKEN BAYANI A duniyar zamani da ake ciki yau, Content Creation ya zama hanya mafi sauki da tasiri wajen isar da ilimi, nishaɗi, da kuma samun kuɗi ta yanar gizo. Abinda ake nufi da Content Creation shi ne kirkirar abubuwan da mutane zasu iya karantawa, kallo ko sauraro ta kafafen intanet. Misalai mafi shahara sun haɗa da Blogging, YouTube, da kuma Substack. Kowanne daga cikinsu yana da tsarin aikinsa, ribarsa, da kuma kalubale. 1. BLOGGING Ma’anarsa Blogging shine rubutun kasidu, labarai ko bayani a shafin yanar gizo (website/blog). Mutane da dama suna amfani da blogs domin rubuta ra’ayoyinsu, bayar da ilimi, ko tallata kayayyaki. Amfaninsa Bayar da ilimi: Rubutu na iya taimakawa wajen ilmantar da jama’a akan batutuwa daban-daban. Samun kuɗi: Ana iya saka Google AdSense, tallace-tallace, da affiliate marketing domin samun kuɗi. Gina suna: Blogging yana taimaka wa mutum ya zama mashahuri a fannin da yake rubutu. KALUBALE Bukatar h...
Read more

BANBANCIN LAPTOP COMPUTER DA MINICOMPUTER

Image
 BANBANCIN LAPTOP COMPUTER DA MINICOMPUTER A duniyar fasaha ta yau, kwamfuta ta zama ginshiƙi wajen gudanar da ayyuka a gida, ofis, makaranta da masana’antu. Amma ko ka taɓa tambayar kanka: menene banbanci tsakanin Laptop da Minicomputer? Yawancin mutane suna jin waɗannan kalmomi amma ba su san bambancinsu da cikakken bayani ba. Wannan rubutu zai yi mana bayani dalla-dalla kan yadda waɗannan nau’o’in kwamfutoci suke, amfaninsu, da kuma irin bambancin da ke tsakaninsu. MENENE LAPTOP COMPUTER? Laptop, wanda ake kira notebook computer, wata ƙaramar kwamfuta ce da aka tsara don mutum ɗaya ya yi amfani da ita. Ana iya ɗaukarta ko’ina saboda tana da baturi (battery) da ke bata wuta ba tare da haɗa ta da lantarki kai tsaye ba. Tana ɗauke da keyboard, mouse (touchpad), allo (screen), da kuma dukkan sassan da ake samu a cikin kwamfuta ta tebur (desktop). Amfanin Laptop Ana amfani da ita don rubutu da lissafi. Ana yin bincike da browsing a yanar gizo. Ana iya kallon bidiyo da sauraron kiɗa. ...
Read more

MENENE STRONG PASSWORD DA MISALI

Image
  MENENE STRONG PASSWORD? Strong password kalmar sirri ce da ba za a iya karya ta da sauƙi ba ko kuma a hango ta ta hanyar kwaikwayo. Ana amfani da ita wajen kare asusu a yanar gizo kamar imel, banki, ko kafofin sada zumunta. MUHIMMANCIN STRONG PASSWORD -Yana kare mutum daga masu satar bayanai. -Yana hana samun damar shiga asusunka ba tare da izini ba. -Yana rage haɗarin rasa kuɗi ko bayanai na sirri. ABUBUWAN DA STRONG PASSWORD KE ƊAUKE DA SU 1. Tsawon kalma – ya fi kyau ya kasance tsakanin haruffa 12 zuwa 16 ko sama. 2. Haɗin manyan haruffa (A–Z) da ƙananan haruffa (a–z). 3. Ɗauke da lambobi (0–9). 4. Ɗauke da alamomi na musamman kamar ! @ # $ % ^ & *. 5. Ba ya amfani da kalmomin da za a iya hasashe da sauƙi kamar suna, ranar haihuwa ko lamba mai sauƙi. ABUBUWAN DA YA KAMATA A GUJE WA 1. Kada a yi amfani da suna ko sunan iyali. 2. Kada a yi amfani da kalma guda tilo kamar sunna123. 3. Kada a yi amfani da kalmar sirri ɗaya ga dukkan asusu. HANYOYIN ƘIRƘIRAR STRONG PASSWORD 1. ...
Read more