GOOGLE FAMILY LINK TRACKER: Hanyar Kulawa da Yadda Yara ke Amfani da Wayar Android

 

Google Family Link Tracker: Hanyar Kulawa da Yadda Yara ke Amfani da Wayar Android


Gabatarwa


A wannan zamani, yara da matasa suna da sauƙin samun wayoyi da intanet. Wannan yana da alheri saboda yana taimaka musu wajen koyo da sadarwa, amma kuma yana iya zama barazana idan basu da kulawa. Don haka Google ya ƙirƙiro Family Link, wata manhaja da ke bawa iyaye damar sa ido, tsara lokaci, da kuma bibiyar inda yaransu suke.


A WANNAN RUBUTU, ZAMU KALLI:


1. Ma’anar Family Link.

2. Amfaninsa.

3. Illolinsa.

4. Matakan da iyaye za su bi wajen saita shi.


MENENE GOOGLE FAMILY LINK TRACKER?


Google Family Link wata app ce na iyaye (Parental Control App) da aka tsara domin taimaka musu wajen:


-Saita iyaka kan amfani da waya.

-Tabbatar da apps da yara ke saukewa.

-Kula da wurin da yaro yake a duk lokacin da yake da waya.

-Samar da rahoton amfani da waya.

-A takaice, Family Link yana aiki a matsayin Google tracker na yara.


AMFANIN GOOGLE FAMILY LINK


1. Kulawa da lokaci – Iyayen na iya saka lokacin amfani da waya, musamman lokacin kwana da karatu.

2. Bibiyar wurin yaro – Yana nuna inda yaro yake a taswira ta Google Maps.

3. Tantance apps – Duk app da yaro zai sauke sai iyaye sun amince.

4. Kulle waya daga nesa – Waya zata iya kullewa daga nisan kilomita koda iyaye ba kusa suke ba.

5. Rahoton amfani – Iyayen zasu ga tsawon lokacin da aka bata a WhatsApp, TikTok, ko sauran apps.


ILLOLI KO KALUBALE


-Zai iya jawo ƙuncin rai ga yara saboda suna jin kamar ba’a yarda da su.

-Yana buƙatar intanet (data/wi-fi) don ya yi aiki yadda ya kamata.

-Ba koyaushe yake bada sahihin location ba idan an kashe GPS ko intranet 


YADDA IYAYE ZASU SAITA GOOGLE FAMILY LINK

Ga matakan da za a bi daga farko har ƙarshe:


MATAKI NA 1: SAUKE APP ƊIN

-Iyayen su sauke Google Family Link for Parents daga Google Play Store ko App Store (idan iPhone ne).

-Yaro kuma ya sauke Google Family Link for Children & Teens.


Mataki na 2: Buɗe Account ɗin yaro

-Idan yaro bai da Gmail, iyaye su ƙirƙira masa sabon account.

-Idan yana da Gmail, za a haɗa shi da Family Link na iyaye.


MATAKI NA 3: HAƊA WAYOYI

-Iyayen zasu buɗe app ɗin Family Link a wayarsu.

-Za a tambaye su su saka account na yaron.

-Bayan haɗawa, iyaye suna da ikon kula da wayar yaron daga nesa.


MATAKI NA 4: SAITA DOKOKI

1. Sanya Screen Time Limit (misali awa 2 a rana).

2. Zaɓi lokacin da waya zata kulle da kanta (bedtime).

3. Tantance apps da yaro zai iya saukewa


MATAKI NA 5: KULAWA DA LOCATION

Iyayen za su iya duba wurin yaro a taswira (Google Maps) kai tsaye daga app ɗinsu.


KAMMALAWA


Google Family Link na daya daga cikin mafiya amfani ga iyaye a wannan zamani. Yana bada damar haɗa tarbiyya da tsaro, tare da tabbatar da cewa yara suna amfani da waya cikin tsari. Duk da cewa zai iya jawo musu jin takura, idan aka yi amfani da shi cikin hik

ima zai taimaka wajen kare su daga haɗarin da ke cikin intanet.


FOLLOW MY FACEBOOK PAGE 

https://www.facebook.com/profile.php?id=61579886394478&mibextid=ZbWKwL

Comments

Post a Comment

Popular posts from this blog

CONTENT CREATION (BLOGGING, YOUTUBE, SUBSTACK): CIKAKKEN BAYANI

Image
 CONTENT CREATION (BLOGGING, YOUTUBE, SUBSTACK): CIKAKKEN BAYANI A duniyar zamani da ake ciki yau, Content Creation ya zama hanya mafi sauki da tasiri wajen isar da ilimi, nishaɗi, da kuma samun kuɗi ta yanar gizo. Abinda ake nufi da Content Creation shi ne kirkirar abubuwan da mutane zasu iya karantawa, kallo ko sauraro ta kafafen intanet. Misalai mafi shahara sun haɗa da Blogging, YouTube, da kuma Substack. Kowanne daga cikinsu yana da tsarin aikinsa, ribarsa, da kuma kalubale. 1. BLOGGING Ma’anarsa Blogging shine rubutun kasidu, labarai ko bayani a shafin yanar gizo (website/blog). Mutane da dama suna amfani da blogs domin rubuta ra’ayoyinsu, bayar da ilimi, ko tallata kayayyaki. Amfaninsa Bayar da ilimi: Rubutu na iya taimakawa wajen ilmantar da jama’a akan batutuwa daban-daban. Samun kuɗi: Ana iya saka Google AdSense, tallace-tallace, da affiliate marketing domin samun kuɗi. Gina suna: Blogging yana taimaka wa mutum ya zama mashahuri a fannin da yake rubutu. KALUBALE Bukatar h...
Read more

BANBANCIN LAPTOP COMPUTER DA MINICOMPUTER

Image
 BANBANCIN LAPTOP COMPUTER DA MINICOMPUTER A duniyar fasaha ta yau, kwamfuta ta zama ginshiƙi wajen gudanar da ayyuka a gida, ofis, makaranta da masana’antu. Amma ko ka taɓa tambayar kanka: menene banbanci tsakanin Laptop da Minicomputer? Yawancin mutane suna jin waɗannan kalmomi amma ba su san bambancinsu da cikakken bayani ba. Wannan rubutu zai yi mana bayani dalla-dalla kan yadda waɗannan nau’o’in kwamfutoci suke, amfaninsu, da kuma irin bambancin da ke tsakaninsu. MENENE LAPTOP COMPUTER? Laptop, wanda ake kira notebook computer, wata ƙaramar kwamfuta ce da aka tsara don mutum ɗaya ya yi amfani da ita. Ana iya ɗaukarta ko’ina saboda tana da baturi (battery) da ke bata wuta ba tare da haɗa ta da lantarki kai tsaye ba. Tana ɗauke da keyboard, mouse (touchpad), allo (screen), da kuma dukkan sassan da ake samu a cikin kwamfuta ta tebur (desktop). Amfanin Laptop Ana amfani da ita don rubutu da lissafi. Ana yin bincike da browsing a yanar gizo. Ana iya kallon bidiyo da sauraron kiɗa. ...
Read more

MENENE STRONG PASSWORD DA MISALI

Image
  MENENE STRONG PASSWORD? Strong password kalmar sirri ce da ba za a iya karya ta da sauƙi ba ko kuma a hango ta ta hanyar kwaikwayo. Ana amfani da ita wajen kare asusu a yanar gizo kamar imel, banki, ko kafofin sada zumunta. MUHIMMANCIN STRONG PASSWORD -Yana kare mutum daga masu satar bayanai. -Yana hana samun damar shiga asusunka ba tare da izini ba. -Yana rage haɗarin rasa kuɗi ko bayanai na sirri. ABUBUWAN DA STRONG PASSWORD KE ƊAUKE DA SU 1. Tsawon kalma – ya fi kyau ya kasance tsakanin haruffa 12 zuwa 16 ko sama. 2. Haɗin manyan haruffa (A–Z) da ƙananan haruffa (a–z). 3. Ɗauke da lambobi (0–9). 4. Ɗauke da alamomi na musamman kamar ! @ # $ % ^ & *. 5. Ba ya amfani da kalmomin da za a iya hasashe da sauƙi kamar suna, ranar haihuwa ko lamba mai sauƙi. ABUBUWAN DA YA KAMATA A GUJE WA 1. Kada a yi amfani da suna ko sunan iyali. 2. Kada a yi amfani da kalma guda tilo kamar sunna123. 3. Kada a yi amfani da kalmar sirri ɗaya ga dukkan asusu. HANYOYIN ƘIRƘIRAR STRONG PASSWORD 1. ...
Read more